Tesãi ha Teko Porãve Motenondeha omoambue ohóvo ñangareko, ohupytykávo tavayguakuérape aravo pohãnohára ndive pyharekue tasyokuérape. Kuehe peve, ko´ã tendáre ojejapo 14.080 ñangareko. Péicha rupi, sa´ivema oñeha´arõ urgencias-pe.Solicita información sobre la grilla del horario nocturno en los hospitales, llamando al 154, de lunes a domingo, de 07:00 a 19:00.
Jasypoapy paháipi, oñemoñepyrũ “consultorio nocturno” oikuave´ẽva ñangareko tesãire pyharekue tasyokuérape, arakõi guive arapoteĩ meve (lunes a viernes), 16:00 guive, 22:00 peve. Heñói guive ko tembiapo, kuehe peve, 19 jasypápe, ojejapo 14.080 ñangareko tasyokuérape, ko´ãga ohupytýva 28 tenda. Ñangareko tesãire pyharekue mba´eguasueterei mitã ha kakuaápe g̃uarã ndaikatúiva oho pyhareve térã ka´aru tasyópe, oguerekógui mbo´ehao, tembiapo ha ambue. ¿Mba´e especialidad médica ojejuhu consultorio nocturno-pe? Consultorio nocturno-pe katuete rejuhúta pediatría, ginecología, clínica médica ha cirugía, péicha hágui ikatu avei ejuhu, cardiología ha odontología. Tesãi ha Teko Porãve Motenondeha omyasãita ohóvo ko tembiapo opaite tetã pehẽngueme. Péicha avei oporomomarandúta arapokõindy opa mboyve jey jey. Consultorio nocturno aravokuéra rehegua marandu ikatu rejerure 154 rupive, ehenóikuaa lunes a domingo, 07:00 guive a 19:00 peve. Ko´ãva ha´e tasyokuéra oguerekóva conusltorio nocturno 1. Hospital general de Barrio Obrero 2. Hospital materno infantil de Santísima Trinidad 3. Hospital general de San Lorenzo (Calle´i) 4. Hospital materno infantil de Loma Pytã 5. Hospital general de Lambaré 6. Hospital general de Luque 7. Hospital general de Villa Elisa 8. Hospital regional de Ciudad del Este 9. Hospital regional de Caacupé 10. Hospital regional de Coronel Oviedo 11. Hospital regional de Caazapá 12. Hospital regional de Encarnación 13. Hospital regional de Pilar 14. Hospital regional de Paraguarí 15. Hospital distrital de Tobatí 16. Hospital distrital de Altos 17. Hospital distrital de Piribebuy 18. Hospital distrital de Caaguazú 19. Hospital integrado de Ayolas 20. Hospital distrital de Coronel Bogado 21. Hospital regional de Concepción 22. Hospital regional de Mariscal Estigarribia 23. Hospital materno infantil Villa Choferes 24. Hospital distrital de Mariano Roque Alonso 25. Hospital regional de Pedro Juan Caballero 26. Hospital materno infantil San Pablo 27. Instituto de Medicina Tropical (IMT) 28. Hospital general pediátrico Niños de Acosta Ñu Marandu péva rehegua: [Consultorios nocturnos en 26 hospitales benefician a miles de ciudadanos](https://www.mspbs.gov.py/portal/28393/consultorios-nocturnos-en-26-hospitales-benefician-a-miles-de-ciudadanos.html) Grilla de consultorios nocturnos: [Consultar aquí]( https://www.mspbs.gov.py/dependencias/portal/adjunto/06eb03-HORARIOEXTENDIDO191023.pdf)
